ស្ត្រីម្នាក់ទម្លាយអារម្មណ៍ឈឺចា.ប់ខ្លាំងក្នុងជីវិតពេលមានស្វាមីដែលមិនគាប់ប្រសើរ
រាជធានីភ្នំពេញ៖ ការកសាងគ្រួសារ ឬបុរសនារីដែលសម្រេចចិត្តរៀបអាពាហ៍ពិពាហ៍ជាមួយគ្នា គឺដើម្បីបង្កើតគ្រួសារដ៏មានសុភមង្គលមួយ។ ចុះបើសុភមង្គលគ្មាន តើនឹងមានអ្វីកើតឡើង។ ជាក់ស្តែង ស្ត្រីមួយរូបបានទម្លាយចេញនូវរឿងរ៉ាវឈឺចាប់ក្នុងជីវិតដែលរងគ្រោះដោយសារតែបុរសជាស្វាមីវាយធ្វើបាប សូម្បីតែនាងពរពោះកូនបាន៣ខែ ក៏មិនដែលទទួលបានការថ្នាក់ថ្នមឡើយ ចុងក្រោយបុរសម្នាក់ដែលនាងហៅថាប្តីៗនោះ បានចុះចោលរូបនាង និងកូនៗទាំងគ្មានអាល័យ។អ្នកស្រី ទិន គា ដែលជាស្ត្រីមួយរូបរងគ្រោះព្រោះអំពើហិង្សាក្នុងគ្រួសារមួយបានថ្លែងទាំងទឺកភ្នែកហូររហាមថា ប្តីរបស់ខ្លួនបានវាយធ្វើរូបរាងកាយ តាំងពីគាត់ពរផ្ទៃពោះកូនទីបាន បីខែ។ មានឈ្មោះជាអ្នកម្តាយដែលត្រូវរាប់រងចិញ្ចឹមកូនៗ២នាក់ទាំងលំបាកនោះ អ្នកស្រី ទិន គា ត្រូវបង្ខំចិត្តទាំងឈឺចាប់ឱ្យកូនស្រីច្បងឈប់រៀនទៀតដើម្បីមកជួយមើលថែប្អូន ដើម្បីអ្នកស្រីមានពេលទៅស៊ីឈ្នួលគេរកលុយមកចិញ្ចឹមកូនៗ។ ស្តាប់លឺហើយ តើនរណាទប់ទឹកភ្នែកបាននោះ នៅពេលស្រី្តដែលមានរូបរាងកាយស្គម រស់ក្នុងស្ថានភាពទីទ័លក្រ គ្មានផ្ទះសម្បែង គ្មានចំណីអាហារហូបចុកគ្រប់គ្រាន់។ អ្វីដែលកាន់តែពិបាកភ្នែកនោះ គឺស្ត្រីកម្សត់រូបនេះ បានយកជង្រុកស្រូវ ធ្វើជាផ្ទះដើម្បីគេចកំដៅថ្ងៃ។ នេះហើយជាជីវិតស្ត្រីមេម៉ាយកូនពីរ ក្រោយប្តីចាកចេញពីផ្ទះ ត្រូវចិញ្ចឹមកូន គ្មានសាច់ញាត្តិ ឪពុកម្តាយបងប្អូន ដោយកំព្រាឯការរស់នៅក្នុងជម្រុកស្រូវជាមួយម្តាយកូនបីនាក់ ទាំងសភាពពិបាកគ្មានទីពឹងនោះ។ គួរបញ្ជាក់ដែរថា បើតាមការរៀបរាប់អ្នកស្រី ក្រោយប្តីវាយធ្វើបាបរហូតដល់បែបទឹកភ្លោះ ពេលនេះស្ត្រីរូបនេះក៏បានលែងលះស្វាមី ពោលរយៈពេល៨ខែមកហើយ ដែលប្តីបានចោកចោលនិងឈប់រស់នៅជាមួយគ្នានោះ។ តាមរយៈបទសម្ភាសន៍ជាមួយកម្មវិធី នៃសារព័ត៌មានក្នុងស្រុក អ្នកស្រី ទិន គា ដែលជាស្ត្រីមេម៉ាយ អាយុ ៤០ឆ្នាំ ឱ្យដឹងថា ជីវិតអ្នកស្រីពិតជាលំបាកខ្លាំង ដោយពេលនេះអ្នកថា អ្នកស្រីត្រូវបង្ខំចិត្តអោយកូនឈប់រៀន ខណៈកូនស្រីរៀនក៏ពូកែ ដោយកាលកន្លងមកនាងក៏ធ្លាប់បានលិខិតសរសើរពីគ្រូនោះ។ អ្នកស្រី ទិន គា បានបន្តថា កូនស្រីអ្នកស្រីអាយុ ១៣ឆ្នាំ រៀនថ្នាក់ទី៦ ដោយនាពេលនេះអ្នកស្រីពុំមានលទ្ធភាពគ្រប់គ្រាន់នោះឡើយក្នុងការអោយកូនរៀន ដូច្នេះសុំអោយមហាជនជួយដល់កូនអ្នកស្រី និងជាចំណីចំណុចផងដែរនោះ ព្រោះរាល់ថ្ងៃអ្នកស្រីស៊ីឈ្នួលគេ ដោយត្រូវចិញ្ចឹមកូនពីរនាក់ កូនស្រីអាយុ ១៣ឆ្នាំដែលបានអោយឈប់រៀន និងទី២ កូនមួយខួបនោះ។ អ្នកស្រី ទិន គា ដែលមានទីលំនៅភូមិត្បែងខ្ពស់ ឃុំត្បែងខ្ពស់ ស្រុកសាមគ្គីមានជ័យ ខេត្តកំពង់ឆ្នាំងនោះបានបន្តថា ពេលខ្លះអ្នកស្រីអត់មែនទែនត្រូវសុំអង្ករអ្នកជិតខាង ហើយផ្ទះដែលអ្នកស្រីរស់នៅនោះគឺជាជម្រុកស្រូវ ដែលអ្នកស្រីបានខ្ចីលុយគេទិញនោះ ហើយកាលពីកន្លងទៅនោះ បានប្តូរទីកន្លែងរស់ជាច្រើន ដោយចេះតែសុំកន្លែងគេស្នាក់នៅ និងការអាណិតអាសូរពីគេនោះ។ បើងាកមកស្វាមីអ្នកស្រីវិញអ្នកស្រីបានអោយដឹងថា កាលពីកន្លងទៅកំណើតកូនទី២អ្នកស្រីនោះ ប្តីអ្នកស្រីវាយធ្វើបាបតាំងពីកូននៅក្នុងពោះ៣ខែ វាយធ្វើបាបដល់បែកទឹកភ្លោះ បានអ្នកស្រុកអ្នកភូមិរៃប្រាក់ក្នុងការសម្រាលផងដែរនោះ។ លើសពីនេះអ្នកស្រីបន្ថែមថា អ្នកស្រីក៏បានលែងលះជាមួយស្វាមីដែលវាយធ្វើបាបរយៈពេល ៨ខែមកហើយ ដោយបន្សល់ត្រឹមកូនប្រុសម្នាក់ និងកូនស្រីម្នាក់នោះ។ ជាចុងក្រោយ អ្នកស្រី ទិន គា សុំមហាជនជួយដល់កូនស្រីក្នុងការទំនុកក្នុងការរៀនសូត្រ ស្បៀងអាហារ និងអ្វីផ្សេងទៀត ព្រោះអ្នកស្រីពិតជាអត់ និងគ្មានលទ្ធភាពអោយកូនបានរៀនសូត្រនោះ៕ សម្រួលដោយ ទៀង បុណ្ណរី
