ម្ដាយបង្កើតរួមគំនិតឱ្យប្ដីចុងចាប់បំពា.នកូនស្រីខ្លួនឯង រួចទម្លាក់កំហុសទៅម្ចាស់ចម្ការ
ខេត្តបន្ទាយមានជ័យ ៖ រឿងរ៉ាវមួយស្ទើរតែមិនគួរឱ្យជឿ ព្រមទាំងមិនដែលមានទាល់តែសោះ ខណៈស្ត្រីជាម្តាយបង្កើតបានសមគំនិតជាមួយប្ដីចុងឱ្យមករំលោ.ភសេពសន្ថវៈទៅលើកូនស្រីបង្កើតរបស់ខ្លួនដែលមានអាយុទើបតែ៧ឆ្នាំតែប៉ុណ្ណោះ នៅក្នុងខ្ទមចាំចម្ការ ហើយថែមទាំងមានបំណងទម្លាក់កំហុសទៅលើម្ចាស់ចម្ការទៀត ប៉ុន្តែរឿងនេះមួយបែកធ្លាយ ហើយត្រូវនគរបាលចាប់ខ្លួនតែម្ដង។ លោកវរសេនីយ៍ឯក បេន សំអាត អធិការនគរបាលស្រុកម៉ាឡៃ បានប្រាប់ឱ្យដឹងថា ជនសង្ស័យជាឪពុកចុងខាងលើនេះមានឈ្មោះ ចោង វន អាយុ៣៧ឆ្នាំ និងម្ដាយឈ្មោះ ទួត តៃ អាយុ៣២ឆ្នាំ ជាអ្នកស៊ីឈ្នួលចាំចម្ការឱ្យគេ រស់នៅភូមិស្រឡៅជ្រំ ឃុំពង្រ ស្រុកម៉ាឡៃ បានចោ.ទប្រកា.ន់ម្ចាស់ចម្ការថា «រំលោ.ភសេពសន្ថវៈទៅលើកូនស្រីរបស់ខ្លួន» ព្រោះតែចង់បានលុយពីម្ចាស់ចម្ការ ។ ប៉ុន្ដែទីបំផុត ករណីមួយនេះ ត្រូវម្ចាស់ចម្ការបានឮដំណឹងពីអ្នកជិតខាងភ្លាម ក៏ដាក់ពាក្យបណ្តឹងនៅនគរបាលប៉ុស្តិ៍រដ្ឋបាល ដោយចោ.ទប្រកា.ន់២នាក់ប្ដីប្រពន្ធនេះវិញ ពីបទ «បរិ.ហារកេរ្តិ៍»។ អធិការនគរបាលស្រុកម៉ាឡៃ បានឱ្យដឹងបន្តថា ក្រោយមក នគរបាលប៉ុស្តិ៍បានហៅឈ្មោះ ចោង វន ជាប្ដី និងឈ្មោះ ទួត តៃ ជាប្រពន្ធមកសួរនាំ ទើបទទួលចម្លើយសារភាពដោយខ្លួនឯង ។ ដោយបានសារភាពថា «ម្ចាស់ចម្ការមិនបានរំលោ.ភទេ គឺខ្លួន (ឪពុកចុង) ជាអ្នករំលោ.ភបានសម្រេចចំនួន៤ដង ។ ហើយចំពោះការរំលោ.ភម្តងៗ គឺប្រពន្ធរបស់ខ្លួនត្រូវជាម្តាយក្មេងស្រីរងគ្រោះ ក៏នៅដេកលើគ្រែជាមួយគ្នា៣នាក់ផងដែរ គឺមិនបានហាមឃាត់ខ្លួននោះឡើយ» នេះគឺពិតជាម្ដាយអគតិបំផុត ស្ទើរតែមិនគួរឱ្យជឿឡើយថា អាចមានរឿងបែបនេះកើតឡើង។ លោកអធិការបានបន្តថា បើតាមការបំភ្លឺរបស់ក្មេងស្រីរងគ្រោះវិញ បានប្រាប់សមត្ថកិច្ចថា «បុរសជាឪពុកចុងរូបនេះ បានចាប់នាងជាច្រើនលើក គឺតាំងពីឆ្នាំមុនមកម៉្លេះ ហើយការរំលោ.ភម្តងៗ គឺម្តាយរបស់នាងក៏នៅដែរ តែគាត់មិនដែលហាម ឬទៅប្តឹងសមត្ថកិច្ចនោះឡើយ»។ លោកវរសេនីយ៍ឯក បេន សំអាត បានបញ្ជាក់ថា ដោយផ្អែកទៅលើចម្លើយសារភាពរបស់ជនសង្ស័យ និងការបំភ្លឺរបស់ក្មេងស្រីរងគ្រោះ ជនសង្ស័យ២នាក់ប្ដីប្រពន្ធ ត្រូវបានចាប់ឃាត់ខ្លួននៅថ្ងៃទី២០ ខែមករា ឆ្នាំ២០២៤ និងបញ្ជូនទៅកាន់ស្នងការដ្ឋាននគរបាលខេត្តបន្ទាយមានជ័យ ដើម្បីចាត់វិធានការបន្តតាមច្បាប់៕ សម្រួលដោយ ទៀង បុណ្ណរី
