អនិច្ចា កម្មករសិប្បកម្មឡឥដ្ឋម្នាក់ចុះដាំដើមព្រលិតក្នុងស្រះបែរជាស្លា.ប់គ្មានអ្នកណាជួយទាន់
ខេត្តប៉ៃលិន ៖ យុវជនម្នាក់បានស្លា.ប់បា.ត់ប.ង់ជីវិ.តយ៉ាងអាណោចអាធ័មគួរឱ្យអាណិតអាសូរ ខណៈពេលដែលអត់ចេះហែលទឹក ចុះទៅដាំដើមព្រលិតនៅក្នុងស្រះទឹកតែម្នាក់ឯង លុះប៉ះចំកន្លែងទឹកជ្រៅ ណាមួយសង្ស័យដើមព្រលិតរមូរជាប់ដៃជើងទៀត មិនអាចរើចេញទីទឹករួច ទើបបណ្តាលឱ្យលង់ទឹកតែម្ដង។
លុះពេលបងប្អូនសាច់ញាតិ និងអ្នកជិតខាងដើររកមើល ដើម្បីហៅទៅធ្វើការ តែអត់ឃើញ ក៏នាំគ្នាទៅមើលក្បែរមាត់ស្រះ ស្រាប់តែប្រទះឃើញស្បែកជើង១គូ ក៏នាំគ្នាចុះទៅរាវរកមើល ស្រាប់តែប៉ះចំជនរងគ្រោះ រួចក៏ប្រញាប់ដឹកយកទៅសង្គ្រោះនៅមន្ទីរពេទ្យ ប៉ុន្តែអ្វីៗហួសពេលទៅហើយ ដោយគ្រូពេទ្យប្រាប់ថា «ជនរងគ្រោះបានដាច់ខ្យល់ស្លា.ប់មុននេះ»។ហេតុការណ៍យុវជនម្នាក់ចុះដាំដើមព្រលិតក្នុងស្រះលង់ទឹកខាងលើនេះ បានកើតឡើងកាលពីវេលាម៉ោង៥និង៣០នាទីល្ងាច ថ្ងៃទី២៣ ខែតុលា ឆ្នាំ២០២៣ នៅត្រង់ចំណុចស្រះទឹកជាប់សិប្បកម្មឡឥដ្ឋ ស្ថិតក្នុងភូមិ ភ្នំកុយ ឃុំសាលាក្រៅ ស្រុកសាលាក្រៅ ខេត្តប៉ៃលិន។បើតាមប្រភពព័ត៌មានពីមន្ត្រីនគរបាលស្រុកសាលាក្រៅ បានប្រាប់ឱ្យដឹងថា ស.ពយុវជនរងគ្រោះមានឈ្មោះ រិត ម៉ៅ ភេទប្រុស អាយុ១៧ឆ្នាំ (ជាកម្មករសិប្បកម្មឡឥដ្ឋ) រស់នៅភូមិ-ឃុំ កើតហេតុខាងលើ។
ប្រភពដដែលបានបន្តថា មុនពេលកើតហេតុ គេឃើញយុវជនខាងលើដើរម្នាក់ឯងទៅក្បែរស្រះទឹក ដែលខ្លួនបានដាំដើមព្រលិតកាលពីប៉ុន្មានថ្ងៃមុន ដើម្បីឱ្យដឹងថា តើដើមព្រលិតនោះអណ្តែត ឬអត់?។ តែលុះពេលឃើញដើមព្រលិតអណ្តែតទឹកជាច្រើនគុម្ព ជនរងគ្រោះក៏ចុះទៅដាំឡើងវិញ តែប៉ះចំទឹកស្រះជ្រៅ ស្របពេលដែលខ្លួនមិនចេះហែលទឹកទៀត ណាមួយដោយសង្ស័យថា រុំរមូរជាប់នឹងដើមព្រលិត មិនអាចរើខ្លួនរួច ក៏លង់ទឹកស្រះស្លា.ប់គួរឱ្យតក់ស្លុតតែម្តង។
ក្រោយពីទទួលបានព័ត៌មានភ្លាម កម្លាំងប៉ុស្តិ៍នគរបាលរដ្ឋបាលសាលាក្រៅ កម្លាំងជំនាញផ្នែកកោសល្យវិច្ច័យនៃអធិការដ្ឋាន នគរបាលស្រុកសាលាក្រៅ និងកម្លាំងជំនាញការិយាល័យកោសល្យវិច្ច័យនៃស្នងការដ្ឋាននគរបាលខេត្តប៉ៃលិន ព្រមទាំងក្រុមគ្រូពេទ្យ បានចុះទៅដល់កន្លែងកើតហេតុ ដោយពិនិត្យធ្វើកោសល្យវិច្ច័យ រួចបញ្ជាក់ថា «ស.ពយុវជនខាងលើ ពិតជាបានស្លា.ប់ដោយសារលង់ទឹកពិតប្រាកដមែន»។
ក្រោយពេលពិនិត្យចប់សព្វគ្រប់រួច មន្ត្រីជំនាញ ក៏បានប្រគល់ស.ពជនរងគ្រោះជូនក្រុមគ្រួសារ ដើម្បីយកទៅធ្វើបុណ្យតាមប្រពៃណី៕
