ពិបាកធ្វើដំណើរ! អ្នកភូមិទ្រាំលែងបាននាំគ្នាយកដើមចេកទៅដាំកណ្ដាលផ្លូវ ក្រោយគេកម្ទេចផ្លូវកៅស៊ូចោល
បរទេស ៖ ថ្មីៗនេះ មានការភ្ញាក់ផ្អើលយ៉ាងខ្លាំង ក្រោយពីប្រទះឃើញមានអ្នកភូមិជាច្រើននាក់នាំគ្នាសម្រុកយកដើមចេកទៅដាំនៅកណ្តាលផ្លូវ បន្ទាប់ពីមានរឿងពិបាកយ៉ាងខ្លាំងក្នុងការធ្វើដំណើរទៅវិញទៅមក រហូតធ្វើឱ្យអ្នកភូមិដែលរស់នៅក្បែរនឹងអស់ការអត់ធ្មត់ និងទ្រាំលែងបានតទៅទៀត ក៏នាំគ្នាសម្រុកទៅរុះរើដកដើមចេក រួចយកមកដាំពាសវាលពាសកាលនៅកណ្ដាលផ្លូវ ដើម្បីធ្វើជាទីកន្លែងឆ្លងកាត់តែម្ដង ណាមួយដោយសារតែខែនេះ គឺជារដូវវស្សាផងដែរ។ បើតាមពលរដ្ឋរស់នៅតំបន់នោះ បាននិយាយប្រាប់ឱ្យដឹងថា «វាពិតជាពិបាកខ្លាំងណាស់ ឱ្យតែពេលទៅណាមកណាម្ដងៗ ហើយចាប់តាំងតែមានភ្លៀងធ្លាក់ឥតឈប់ឈរ ណាមួយមានគេមករុះរើផ្លូវកៅស៊ូចេញទៀត អញ្ចឹងហើយជាហេតុធ្វើឱ្យអ្នកភូមិទ្រាំមិនបានធ្វើដំណើរ ក៏ទៅរុះរើយកដើមចេក រួចយកមកដាំនៅកណ្ដាលផ្លូវ នារដូវវស្សាបែបនេះតែម្ដងទៅ»។ ពលរដ្ឋបន្តថា «ហើយណាមួយ ដោយសារតែក្រោយពេលគេរុះរើផ្លូវក្រាលកៅស៊ូចេញទៅ កាន់តែធ្វើឱ្យទឹកចេះតែហូរជន់លិចឥតឈប់ឈរតែម្ដង រហូតដល់ថ្នាក់ម្នាក់ៗនាំគ្នាលើកឡើងថា ហេតុអ្វីក៏ធ្វើដូច្នេះដាក់ពួកគាត់? ហើយមុននឹងធ្វើអ្វីមួយមានគិតដល់ការរស់នៅរបស់ប្រជាជនដែរឬអត់?»។ ទន្ទឹមនឹងនោះផងដែរ ពួកគេមិនខ្វល់នោះឡើយ បើទោះបីជាដឹងថា មនុស្សរស់នៅតំបន់នោះពិបាកទៅណាមកណាក៏ដោយ ក៏គេមិនខ្ចីខ្វល់នោះដែរ។ រហូតអ្នកភូមិនៅលែងស្ងៀមលែងបាន ភ្លាមៗនោះពួកគេក៏បានទៅសុំជំនួយឱ្យជួយ ប៉ុន្តែនៅតែមិនឃើញលទ្ធផល រហូតមកដល់នាពេលនេះទៅហើយ ក៏មិនដឹងថា តើពេលណាអ្នកម៉ៅការរុះរើផ្លូវក្រាលកៅស៊ូនឹងមកធ្វើផ្លូវឱ្យស្អាតឡើងវិញនោះទេ?។ នេះបើយោងតាមរយៈសារព័ត៌មានដ៏ល្បីរបស់ថៃ «Khaosod» បានផ្សព្វផ្សាយប្រាប់ឱ្យដឹងនៅថ្ងៃទី៩ ខែតុលា ឆ្នាំ២០២៣នេះ ដោយមានអ្នកយកព័ត៌មានជាច្រើននាក់រាយការណ៍ប្រាប់បែបនេះថា «នៅតាមដងផ្លូវក្នុងភូមិបាងហាក់ ភូមិលេខ២ ស្ថិតនៅក្នុងឃុំសំង៉ោម ស្រុកផូថុង ខេត្តអាងថង ត្រូវគេនាំគ្នាប្រទះឃើញអ្នកភូមិជាច្រើនកំពុងតែដាំដើមចេកនៅកណ្តាលផ្លូវក្នុងភូមិ ដែលពោរពេញទៅដោយភក់ និងទឹកនៅក្នុងភក់»។ ប្រភពដដែលបន្តថា «បន្ទាប់ពីអ្នកម៉ៅការ ចុះទៅរុះរើផ្លូវក្រាលកៅស៊ូចេញអស់រយៈពេលជាច្រើនថ្ងៃមកហើយ ដើម្បីកែលម្អជាផ្លូវបេតុងឱ្យស្អាតវិញ ប៉ុន្តែអ្វីដែលនឹកស្មានពុំដល់នោះ ក្រោយពេលរៀបចំធ្វើមិនទាន់បានប៉ុន្មានផង ក៏ស្រាប់តែមានភ្លៀងធ្លាក់ជាបន្តបន្ទាប់ គឺធ្លាក់ភ្លៀងយ៉ាងគំហុកតែម្ដង ជាហេតុធ្វើឱ្យអ្នកស្រុក អ្នកភូមិ ដែលរស់នៅក្បែរផ្លូវនឹងមានការលំបាកយ៉ាងខ្លាំង។ ដូច្នេះហើយ ជាហេតុធ្វើឲ្យអ្នកភូមិដែលរស់នៅក្នុងភូមិទាំងអស់កំពុងតែរងគ្រោះ ហើយការធ្វើដំណើរចេញចូលទៅក្រៅភូមិក៏ពិបាកខ្លាំងណាស់ដែរ ទើបពួកគាត់នាំគ្នាដាំដើមចេកនៅកណ្តាលផ្លូវ កុំឱ្យមានទឹកហូរជន់លិច»។ ប្រភពដដែលបន្តទៀតថា «ហើយសម្រាប់ក្នុងការធ្វើ គឺឱ្យប្រធានរដ្ឋបាលឃុំ នាំគ្នាពន្លឿនអ្នកម៉ៅការ ដើម្បីជួយកែតម្រូវតំបន់នោះឱ្យល្អឡើងវិញ ដើម្បីជួយអ្នកភូមិឱ្យធ្វើដំណើរចេញចូលទៅខាងក្រៅភូមិបានដោយងាយស្រួល មិនហត់ ឬពិបាកឡើយ»។ បន្ទាប់ពីបានឃើញរឿងរ៉ាវខាងលើនេះភ្លាម គេងមិនលក់បក់មិនល្ហើយ អ្នកស្រី Siriporn Dechfung ដែលមានអាយុ៥២ឆ្នាំ បានចេញមុខមកនិយាយឱ្យដឹងថា «កាលពីម្សិលមិញនេះ កូនស្រីរបស់គាត់បានចេញដំណើរទៅធ្វើការ ស្របពេលកំពុងតែធ្វើដំណើរនោះ មានអីក៏ស្រាប់តែរថយន្តរបស់កូនគាត់ ជាប់គាំង កឺជាប់ដកលែងរួចចេញពីក្នុងភក់នោះតែម្ដង។ នេះជាលទ្ធផល ត្រូវជួលត្រាក់ទ័រឱ្យមកជួយទាញឡើង ហើយត្រូវខាតបង់ប្រាក់អស់៥០០បាត។ ហើយគាត់ក៏ដឹងដែរថា នៅពេលនេះ ឥឡូវនេះ អ្នកភូមិកំពុងតែជួបទុក្ខធំមិនស្ទើរនោះទេ មិនអាចទទួលយកបាន ពីការរុះរើផ្លូវក្រាលកៅស៊ូនេះ»។ អ្នកស្រី Siriporn និយាយប្រាប់បន្តឱ្យដឹងទៀតថា «ហើយពេលនេះ ខ្ញុំមិនដឹងថា តើអ្នកម៉ៅការនឹងមកបន្តការងារនៅពេលណានោះទេ? ព្រោះថា ពីមួយថ្ងៃទៅមួយថ្ងៃ ភ្លៀងបន្តធ្លាក់ជាប់ឥតឈប់ឈរទាល់តែសោះ រហូតធ្វើឱ្យវាបង្កការលំបាកយ៉ាងខ្លាំងដល់អ្នកភូមិនៅក្នុងតំបន់នោះ»។ លោកស្រីនិយាយទៀតថា «គាត់ពិតជាចង់ជួយជួសជុលផ្លូវនៅកន្លែងរស់នៅរបស់អ្នកភូមិខ្លាំងណាស់។ ដោយលោកស្រីចង់យកខ្សាច់ ឬក្រួសមកជួយសម្រួលផ្លូវឲ្យអ្នកភូមិចូលចេញបានស្រួល ពីព្រោះថា ការធ្វើផ្លូវថ្មី គឺជារឿងល្អ ប៉ុន្តែហេតុអ្វីបានជាពួកគេនាំគ្នាទៅរុះរើវា ដើម្បីធ្វើផ្លូវនៅក្នុងរដូវវស្សាទៅវិញ? ខ្ញុំពិតជាឆ្ងល់ខ្លាំងណាស់? ធ្វើឱ្យបងប្អូនប្រជាពលរដ្ឋនាំគ្នារងទុក្ខអញ្ចឹង»៕ សម្រួលដោយ ទៀង បុណ្ណរី
