ព័ត៌មានអន្ដរជាតិនារីម្នាក់នៅហុងកុង ត្រូវព្យុះទីហ្វុង Saola បកបោកស្ទើរស្លាប់រស់ ខណៈកំពុងដើរតាមផ្លូវ
ស្រ្តីជនជាតិចិន-ហុងកុងម្នាក់ ត្រូវព្យុះទីហ្វុងដែលមានឈ្មោះថា Saola បកបោកនាងខ្ទាតទៅរយៈចម្ងាយប្រហែល១០ម៉ែត្រ រហូតធ្វើឲ្យខ្លួនប្រាណទាំងមូលរអិលធ្លាក់ពីលើចិញ្ចើមថ្នល់ភ្លាមៗ ខណៈកំពុងតែដើរតាមផ្លូវ។ ព្យុះទីហ្វុង Saola បានបោកបក់លើទីក្រុងហុងកុងកាលពីយប់ថ្ងៃទី ០១ ខែកញ្ញា ស្របពេលដែលវីដេអូផ្សាយផ្ទាល់បានផ្សព្វផ្សាយនៅលើអ៊ីនធឺណិត។ ក្នុងឃ្លិបនោះគេឃើញមេឃប្រែជាងងឹតហើយមានខ្យល់បក់ខ្លាំង រំពេចនោះស្រាប់តែមាននារីវ័យក្មេងម្នាក់ស្លៀកខោខ្លី បានដើរមកកាន់កន្លែងកើតហេតុ។ ដោយសារតែកម្លាំងខ្យល់ខ្លាំងពេក ទើបបណ្ដាលឲ្យនាងត្រូវខ្យល់បកកួចរមៀលធ្លាក់ច្រើនត្រលប់ពីចិញ្ចើមផ្លូវ។ យ៉ាងណាមិញ ក្រោយកម្លាំងខ្យល់បានស្ងប់មួយសន្ទុះ ស្ត្រីរូបនេះខំប្រឹងទប់លំនឹងវិញទាំងឈឺចាប់ ស្របពេលឆ័ត្រនិងរបស់របរផ្ទាល់ខ្លួននាងធ្លាប់កាន់បានហោះទៅតាមផ្លូវ។ ជាសំណាងល្អដែលមិនមានរថយន្តនៅក្បែរនោះ ដូច្នេះនាងមិនរងរបួសធ្ងន់ធ្ងរពេកនោះទេ។ ទោះយ៉ាងណាក៏ដោយ បន្ទាប់ពីវីដេអូឃ្លិបនេះបង្ហោះជាសាធារណៈភ្លាម វាបានក្លាយជាប្រធានបទក្តៅក្នុងចំណោមអ្នកនិយមលេងអ៊ីនធឺណិតដោយម្នាក់ៗបញ្ជេញមតិខិសៗគ្នាថា “គួរឲ្យខ្លាចណាស់ កម្លាំងខ្យល់បក់ខ្លាំងរហូតបណ្ដាឡឲ្យនាហងដួលភ្លាមៗ។ ក្នុងនោះអ្នកផ្សេងទៀតលើកឡើងថា សង្ឃឹមថាមុខរបួសនាងមិនធ្ងន់ធ្ងរខ្លាំងពេកទេ។ ហើយផ្ដល់យោបល់ដល់នាងថានិងអ្នកដទៃថា កុំចេញទៅក្រៅបើមិនចាំបាច់ ព្រោះព្យុះទីហ្វុងពិតជាមានគ្រោះថ្នាក់ណាស់”៕ សម្រួលដោយ ទៀង បុណ្ណរី
