អត្ថប្រយោជន៍ ៨ យ៉ាងនៃស៊ុបប៉េងប៉ោះ
ក្រៅពីរសជាតិឆ្ងាញ់ផ្លែប៉េងប៉ោះសម្បូរទៅដោយវីតាមីន សារធាតុរ៉ែ សារធាតុប្រឆាំងអុកស៊ីតកម្ម និងសមាសធាតុរុក្ខជាតិដែលផ្តល់អត្ថប្រយោជន៍ជាច្រើនដល់សុខភាព ។ យោងតាមផ្នែកវិទ្យាសាស្ត្រ ខាងក្រោមនេះជាអត្ថប្រយោជន៍ ៨ យ៉ាងនៃស៊ុបប៉េងប៉ោះ ៖ ១. មានជីវជាតិខ្ពស់ ស៊ុបប៉េងប៉ោះមានកាឡូរីទាប, ប៉ូតាស្យូមខ្ពស់, វីតាមីន C K A និងសារធាតុលីកូពីនដែលជាសមាសធាតុផ្ដល់នូវអត្ថប្រយោជន៍សុខភាពជាច្រើនដល់អ្នកបរិភោគ ។ ២. សម្បូរទៅដោយសារធាតុប្រឆាំង អុកស៊ីតកម្ម ការទទួលទានស៊ុបប៉េងប៉ោះគឺជាវិធីដ៏ល្អមួយដើម្បីទាញយកអត្ថប្រយោជន៍ពីសមត្ថភាពប្រឆាំងអុកស៊ីតកម្ម ពួកវាសម្បូរទៅដោយសារធាតុលីកូពីន, សារធាតុ Flavonoids, វីតាមីន C E, និងសារធាតុប្រឆាំងអុកស៊ីតកម្មផ្សេងៗទៀត ។ ៣. អាចប្រឆាំងនឹងជំងឺមហារីក លីកូពីន និង carotenoids ដែលមាននៅក្នុងស៊ុបប៉េងប៉ោះអាចកាត់បន្ថយហានិភ័យនៃជំងឺមហារីកក្រពេញប្រូស្តាតនិងសុដន់ ។ សូមបញ្ជាក់ដែរថាប៉េងប៉ោះឆ្អិនមានឥទ្ធិពលខ្លាំងជាងប៉េងប៉ោះឆៅ ។៤. ជំនួយស្បែក និងភ្នែក សារធាតុប្រឆាំងអុកស៊ីតកម្មដែលមាននៅក្នុងផ្លែប៉េងប៉ោះអាចការពារស្បែករបស់អ្នកពីការរលាកដោយសារពន្លឺព្រះអាទិត្យ និងបន្ថយហានិភ័យអន់ភ្នែកតាមអាយុ ។ ៥. ជំនួយឆ្អឹង សារធាតុលីកូពីនជួយរក្សាឆ្អឹងឱ្យរឹងមាំ និងកាត់បន្ថយហានិភ័យនៃការបាក់ឆ្អឹង ។ ៦. អាចកាត់បន្ថយហានិភ័យនៃជំងឺបេះដូង សារធាតុ carotenoid និងវីតាមីន C របស់ស៊ុបប៉េងប៉ោះអាចជួយកាត់បន្ថយហានិភ័យជំងឺបេះដូង ។៧. អាចបង្កើនសមត្ថភាពបន្តពូជរបស់បុរស លីកូពីនអាចជំនួយនូវប៉ារ៉ាម៉ែត្រមេជីវិតឈ្មោលដែលត្រូវបានផ្សារភ្ជាប់ជាមួយនឹងការមានកូនរបស់បុរស។ ៨. បង្កើនភាពស៊ាំ ស៊ុបប៉េងប៉ោះមួយចានក្តៅអាចជួយយើងឱ្យបានធូរស្រាលនៅពេលអ្នកស្ថិតនៅក្រោមអាកាសធាតុប្រែប្រួល ដោយសារវត្តមាននៃ carotenoid និងវីតាមីន C ៕ សម្រួលដោយ ទៀង បុណ្ណរី
