ស្នងការដ្ឋាននគរបាលខេត្តកណ្តាល៖ គិតមកដល់ម៉ោងនេះ កម្លាំងសមត្ថកិច្ចយើងបានរាវរក និងជួយសង្គ្រោះ សិស្សសាលាបានចំនួន ០៦ នាក់ ស្រី០១នាក់ ហើយក្នុងចំណោមសិស្សសាលារងគ្រោះទាំង៦នាក់ នៅរស់រានមានជីវិត ២នាក់

ក្នុងឧប្បត្តិហេតុ (លិចទូកដទទឹង) នៅចំណុចកំពង់ដរ ទទឹង ចម្លងពីភូមិអំពិលទឹក ទៅ ភូមិកោះចំរើន ឃុំកំពង់ភ្នំ ស្រុកលើកដែក ខេត្តកណ្តាល តាមរបាយការណ៍របស់ស្នងការដ្ឋាននគរបាលខេត្តកណ្តាល បានឱ្យដឹងថា គិតមកដល់វេលាម៉ោង ៨:០០នាទីព្រឹកថ្ងៃទី ១៤ ខែតុលា ឆ្នាំ ២០២២នេះ ក្នុងចំណោមមនុស្ស ១៥នាក់កម្លាំងសមត្ថកិច្ចយើងបានរាវរក និងជាជួយសង្គ្រោះ សិស្សសាលាបានចំនួន ០៦ នាក់ ស្រី០១នាក់ ក្នុងចំណោមសិស្សសាលារងគ្រោះទាំង៦នាក់នេះ គឺ នៅរស់រានមានជីវិត ២នាក់ និងស្លាប់ ៤នាក់ ។កម្លាំងសមត្ថកិច្ច បាននិងកំពុងស្វែងរកមនុស្សចំនួន ៩នាក់ទៀត ដែលកំពុងបាត់ខ្លួន។សម្រួលដោយ ទៀង បុណ្ណរី